«Milan» Straxinya Pavlovich va Kristian Pulishichdan keyin Adriyen Rabyo bilan ham shartnomani uzaytirishni rejalashtirmoqda. Bu haqda Corriere dello Sport nashri xabar berdi.
Serbiyalik himoyachi Pavlovich klub bilan shartnomasini 2031 yilgacha uzaytirib bo‘ldi. Pulishich bilan esa yangi kelishuv imzolanishi yaqin. Amerikalik hujumchining shartnomasi ham 2031 yilgacha uzaytirilishi kutilmoqda.
Klub rahbariyati endi Rabyo bilan muzokaralarga e’tibor qaratmoqda. Fransiyalik yarimhimoyachining amaldagi shartnomasi 2028 yilgacha mo‘ljallangan. Biroq «Milan» uning maoshini oshirish va kelishuv muddatini uzaytirish niyatida.
Muzokaralar futbolchining agenti bo‘lgan onasi Veronik Rabyo bilan boshlangan. Tomonlar hamkorlikni davom ettirish tarafdori, shu bois kelishuv bo‘yicha oldinga siljish tezlashishi kutilmoqda.
