Fransiya terma jamoasining sobiq hujumchisi Tyerri Anri «Oltin to‘p»ni topshirish marosimidagi xatti-harakatlari uchun bildirilgan tanqidlarga javob qaytardi.
Sobiq futbolchi Lamin Yamal, Harri Keyn va marosimning hamboshlovchisi Keyt Skottga nisbatan hurmatsizlik qilganlikda ayblangan edi. Taqdirlash marosimida Anri Yamaldan hazil tariqasida eng yaxshi yosh futbolchiga beriladigan sovrinni emas, asosiy mukofotni qo‘lga kiritishni xohlagan-xohlamaganini so‘ragan.
«Men Lamin Yamalning muxlisiman. Uning nafsoniyatiga tegishni aslo istamaganman. Agar hazil sizga yoqmagan bo‘lsa, buni tushunaman. Ammo hamma narsani bunchalik jiddiy qabul qilish kerak emas.
Yamal — o‘yinini tomosha qilish uchun pul to‘lashga tayyor bo‘lgan futbolchilardan biri. Uning maydondagi harakatlari menga juda yoqadi.
Keynga esa shunday dedim: “Sen g‘alabaga haqli eding, bu sovringa munosibsan. Sen mehnatsevarlik ham iste’dod ekanini, astoydil ishlash esa haqiqiy fazilatligini isbotlading”.
Tabriklayman, Harri Keyn! Jahon chempionatidan keyin men uni ser Harri Keyn deb atayman», — deya Anrining so‘zlarini keltirmoqda BBC.
Eslatib o‘tamiz, «Oltin to‘p»ni topshirish marosimi 26 oktyabr kuni bo‘lib o‘tdi. Bosh sovrin «Bavariya» va Angliya terma jamoasi hujumchisi Harri Keynga nasib etdi.
