OFK Chempionlar ligasi-2 musobaqasining A guruhida 3-tur uchrashuvlari yakunlandi. O‘zbekistonning «Nasaf» klubi hozircha musobaqada g‘alaba qozona olgani yo‘q.
Qarshiliklar dastlabki uchta o‘yinda bir ochko jamg‘arib, guruhda uchinchi o‘rinni egallab turibdi. Jamoa ushbu uchrashuvlarda raqiblar darvozasiga bir marta yo‘l topgan va uchta gol o‘tkazib yuborgan.
Ayni paytda BAAning «Al-Vahda» klubi 9 ochko bilan guruhda yakka peshqadamlik qilmoqda. Quvaytning «Kuvayt SK» jamoasi 6 ochko bilan ikkinchi o‘rinda borayotgan bo‘lsa, «Nasaf» va Bahraynning «Al-Xaldiya» klubi hisobida bir ochkodan mavjud.
OCHL-2. A guruhi turnir jadvali (3-turdan keyin):
-
«Al-Vahda» — 3 o‘yin, 9 ochko (7:4)
-
«Kuvayt SK» — 3 o‘yin, 6 ochko (6:4)
-
«Nasaf» — 3 o‘yin, 1 ochko (1:3)
-
«Al-Xaldiya» — 3 o‘yin, 1 ochko (2:5)
Endi «Nasaf» 4-tur doirasida «Kuvayt SK»ga qarshi safarda maydonga tushadi. Uchrashuv 4 noyabr kuni Toshkent vaqti bilan soat 21:00 da boshlanishi rejalashtirilgan.
