Qozonning «Rubin» klubi va O‘zbekiston terma jamoasi himoyachisi Jahongir O‘rozov Rossiya milliy jamoasining JCH-2026dagi ehtimoliy imkoniyatlariga baho berdi.
«Rossiya kamida yarim finalga chiqishi mumkin edi. Terma jamoangiz yaxshi tarkibga ega. 2018 yilda har qanday raqibga qarshi o‘ynay olishingizni isbotlagansiz.
Xalqaro musobaqalarga qaytganingizdan keyin ham kamida yarim finalga da’vogar bo‘lasizlar», — deya O‘rozovning so‘zlarini keltiradi «RB Sport».
Eslatib o‘tamiz, O‘zbekiston va Rossiya terma jamoalari 12 noyabr kuni Toshkentda o‘rtoqlik uchrashuvi o‘tkazishi rejalashtirilgan.
Rossiya terma jamoasi 2022 yil fevraldan buyon xalqaro musobaqalardan chetlatilgan.
