«Chelsi» Madridning «Real» klubi sobiq futbolchisi, ayni paytda «Komo»da to‘p surayotgan Xakobo Ramonga qiziqish bildirmoqda.
Insayder Ekrem Konurning xabar berishicha, 21 yoshli ispaniyalik markaziy himoyachini APLning bir nechta klubi kuzatmoqda. Ular orasida «Chelsi» eng faol da’vogarlardan biri hisoblanadi.
Biroq transfer londonliklarga qimmatga tushishi mumkin. «Komo» Ramon uchun 50 million yevrodan kam taklifni qabul qilmasligi kutilmoqda.
Xakobo 2025 yil yozidan buyon Italiya klubida o‘ynamoqda. Uning amaldagi shartnomasi 2030 yil iyun oyi oxirigacha mo‘ljallangan.
