Ispaniya La Ligasi oktyabr oyining eng yaxshi bosh murabbiyi sovriniga da’vogar uch nafar mutaxassis nomini e’lon qildi.
Nomzodlar orasidan "Real" ustozi Joze Mourinyo ham o‘rin oldi. Uning qo‘l ostida madridliklar oktyabr oyida "Vilyarreal" (1:0), "Sevilya" (4:1) va "Barselona"ni (2:1) mag‘lub etdi.
Ayniqsa, "Kamp Nou"dagi El-klasikoda qo‘lga kiritilgan g‘alaba portugaliyalik mutaxassis uchun muhim natija bo‘ldi.
Mourinyo bilan birga "Atletiko" bosh murabbiyi Diyego Simeone va "Real Sosyedad" ustozi Pellegrino Matarasso ham sovringa nomzod ko‘rsatildi.
Har uchala murabbiyning jamoasi oktyabr oyida hozirgacha maksimal ochko jamg‘argan. Biroq "Atletiko" 31 oktyabr kuni yana bir uchrashuv o‘tkazadi.
Eslatib o‘tamiz, La Ligada 10 turdan keyin "Barselona" turnir jadvalida peshqadamlik qilmoqda.
