Saudiya Arabistoni Pro-ligasining 12-turidan o‘rin olgan «An-Nasr» va «Al-Xolud» jamoalari o‘rtasidagi uchrashuv yakunlandi. Ar-Riyoddagi «Al-Avval» stadionida o‘tgan bahsda mezbonlar 5:3 hisobida g‘alaba qozondi. Uchrashuvni bosh hakam Xolid at-Turays boshqarib bordi.
Uchrashuvda hisobni 16-daqiqada mehmonlar hujumchisi Jyulyen Dominges ochdi. 24-daqiqada Gabriel Anjelo muvozanatni tikladi. 38-daqiqada Sadio Mane «An-Nasr»ni hisobda oldinga olib chiqdi. Birinchi taymga qo‘shib berilgan vaqtda Loik Essomba yana hisobni tenglashtirdi.
Ikkinchi bo‘limda esa Krishtianu Ronaldu o‘z so‘zini aytdi. Portugaliyalik hujumchi 66-daqiqada jamoasining uchinchi golini urdi, oradan olti daqiqa o‘tib dubl qayd etdi. 81-daqiqada esa xet-trikni rasmiylashtirdi.
Ronaldu uchun bu gol faoliyatidagi 985-goli bo‘ldi. Shu tariqa u «An-Nasr»ning g‘alabasiga katta hissa qo‘shdi.
90+4-daqiqada Dominges dubl qayd etib, hisobni qisqartirdi, ammo bu «Al-Xolud»ni mag‘lubiyatdan qutqarish uchun yetarli bo‘lmadi.
Saudiya Arabistoni Pro-ligasi. 12-tur
«An-Nasr» — «Al-Xolud» 5:3
Gollar: Dominges, 16 (0:1), Anjelo, 24 (1:1), Mane, 38 (2:1), Essomba, 45+2 (2:2), Ronaldu, 66 (3:2), Ronaldu, 72 (4:2), Ronaldu, 81 (5:2), Dominges, 90+4 (5:3).
