"Manchester Yunayted" yaqin kelajakda himoyachilaridan biri bilan xayrlashishi mumkin. Gap yaqinda klubni, xususan, direktor Jeyson Uilkoksni ochiq tanqid qilgan Lisandro Martines haqida ketmoqda.
"So‘nggi haftalarda u qahramondan jamoada keraksiz shaxsga aylandi. Bunga ko‘p jihatdan "Atletiko"ga qarshi o‘yindan keyin bildirgan fikrlari sabab bo‘ldi", — deyiladi AS nashri maqolasida.
Manba ma’lumotlariga ko‘ra, Martines bilan "Manchester Yunayted" o‘rtasidagi munosabatlar butunlay buzilgan. Barchasi argentinalik futbolchining yozda klubni tark etishiga ishora qilmoqda.
28 yoshli Lisandro Martinesga Ispaniyaning ikki klubi — "Barselona" va "Atletiko" qiziqish bildirmoqda.
Avvalroq matbuotda "Barselona" bosh murabbiyi Xans-Diter Flik jamoada chap oyoqda o‘ynaydigan markaziy himoyachini ko‘rishni istashi haqida ko‘p yozilgan edi.
