"Манчестер Юнайтед" яқин келажакда ҳимоячиларидан бири билан хайрлашиши мумкин. Гап яқинда клубни, хусусан, директор Жейсон Уилкоксни очиқ танқид қилган Лисандро Мартинес ҳақида кетмоқда.
"Сўнгги ҳафталарда у қаҳрамондан жамоада кераксиз шахсга айланди. Бунга кўп жиҳатдан "Атлетико"га қарши ўйиндан кейин билдирган фикрлари сабаб бўлди", — дейилади AS нашри мақоласида.
Манба маълумотларига кўра, Мартинес билан "Манчестер Юнайтед" ўртасидаги муносабатлар бутунлай бузилган. Барчаси аргентиналик футболчининг ёзда клубни тарк этишига ишора қилмоқда.
28 ёшли Лисандро Мартинесга Испаниянинг икки клуби — "Барселона" ва "Атлетико" қизиқиш билдирмоқда.
Аввалроқ матбуотда "Барселона" бош мураббийи Ханс-Дитер Флик жамоада чап оёқда ўйнайдиган марказий ҳимоячини кўришни исташи ҳақида кўп ёзилган эди.
