"Manchester Yunayted" yarim himoyachisi Yuri Tilemans jamoa bosh murabbiyi Maykl Kerrikni qo‘llab-quvvatladi.
"Men bu yerga kelishimga qisman aynan u sabab bo‘lgan. U meni jamoada ko‘rishni istadi va mening yordamimga umid bog‘ladi.
Uning jamoada qolganidan juda xursandman. Bizga faqat jamoani buzadigan keskin o‘zgarishlar kerak emas. Bizga barqarorlik va astoydil mehnat qilish zarur. Erta yoki kech vaziyat o‘zgaradi", — dedi Tilemans.
Shuningdek, Yuri barcha futbolchilar Karrik haqida xuddi shunday fikrda ekanini ta’kidladi.
"Men bu yerga kelganimdan beri u doimo o‘z ishini vijdonan bajarib kelmoqda. U har birimiz o‘zimizni qulay his qiladigan tizimni joriy etishga harakat qildi.
Men bu yozda klubga o‘tdim, chunki u meni jamoaga qo‘shilishga va unga yordam berishga ishontirdi.
Men u haqida faqat ijobiy fikr bildira olaman. Jamoa kiyinish xonasida hamma xuddi shunday fikrni aytadi. Biz birdam bo‘lib, vaziyatni o‘zgartirishimiz kerak", — deya qo‘shimcha qildi belgiyalik futbolchi.
Angliya Premyer-ligasining 8 ta turidan keyin "Manchester Yunayted" 7 ochko jamg‘ardi va turnir jadvalida 16-o‘rinni egallab turibdi.
