"Манчестер Юнайтед" ярим ҳимоячиси Юри Тилеманс жамоа бош мураббийи Майкл Кэррикни қўллаб-қувватлади.

"Мен бу ерга келишимга қисман айнан у сабаб бўлган. У мени жамоада кўришни истади ва менинг ёрдамимга умид боғлади.

Унинг жамоада қолганидан жуда хурсандман. Бизга фақат жамоани бузадиган кескин ўзгаришлар керак эмас. Бизга барқарорлик ва астойдил меҳнат қилиш зарур. Эрта ёки кеч вазият ўзгаради", — деди Тилеманс.

Шунингдек, Юри барча футболчилар Каррик ҳақида худди шундай фикрда эканини таъкидлади.

"Мен бу ерга келганимдан бери у доимо ўз ишини виждонан бажариб келмоқда. У ҳар биримиз ўзимизни қулай ҳис қиладиган тизимни жорий этишга ҳаракат қилди.

Мен бу ёзда клубга ўтдим, чунки у мени жамоага қўшилишга ва унга ёрдам беришга ишонтирди.

Мен у ҳақида фақат ижобий фикр билдира оламан. Жамоа кийиниш хонасида ҳамма худди шундай фикрни айтади. Биз бирдам бўлиб, вазиятни ўзгартиришимиз керак", — дея қўшимча қилди бельгиялик футболчи.

Англия Премьер-лигасининг 8 та туридан кейин "Манчестер Юнайтед" 7 очко жамғарди ва турнир жадвалида 16-ўринни эгаллаб турибди.