«Aston Villa» «Liverpul»ning sobiq himoyachisi Jeymi Karragerni klub va muxlislar sha’niga aytgan gaplari uchun sudga bermoqchi.
Karrager Stick to Football podkastida «Aston Villa» muxlislarini haqorat qilib, Birmingem klubi hech qachon «Manchester Yunayted» darajasiga yetmasligini ta’kidlagan. Bu fikrlar Unai Emerining «MYU»ga o‘tishi ehtimoli muhokamasi paytida aytilgan.
«Karragerning klubimiz va muxlislarimizga nisbatan haqoratli so‘zlari yuzasidan sud jarayonini boshlaymiz. Hech kimning Angliya va Yevropa futbolidagi rivojlanishimizni to‘xtatishiga yo‘l qo‘ymaymiz», — dedi klub raisi Nosir Saviris.
Karrager esa so‘zlari uchun uzr so‘rab, bu shunchaki hazil bo‘lganini bildirdi. Uning aytishicha, mazkur gaplar Emerining «MYU»ga o‘tishi mumkinligi haqidagi fikrini muxlislar tanqid qilganidan keyin aytilgan.
