"Barselona" hujumchisi Lamin Yamalning otasi Munir Nasraui o‘zi va o‘g‘lining ismi bilan bog‘liq chalkashlikka izoh berdi.
"Meni Yamal deb chaqirishni bas qiling. Men Yamal emasman! Yamal — familiya emas. O‘g‘limning familiyasi Nasraui Ebana, ismi esa Lamin Yamal", — dedi u.
19 yoshli futbolchi La Liganing 11-turida "Alaves"ga qarshi uchrashuvda dubl qayd etib, bitta golli uzatma ham berdi. "Barselona" bahsda 6:1 hisobida g‘alaba qozondi.
Eslatib o‘tamiz, Lamin Yamal "Oltin to‘p" uchun ovoz berish natijalariga ko‘ra uchinchi o‘rinni egallagan. Uning otasi esa taqdirlash marosimidan keyin ayrim mojaroli voqealar bilan ham tilga tushgan edi.
