"Manchester Yunayted"ning sobiq himoyachisi Rio Ferdinand "Manchester Siti"ga nisbatan moliyaviy qoidabuzarliklar bo‘yicha qo‘yilgan ayblovlarga munosabat bildirdi.
"Shaharliklar" 2009–2018 yillarda soxta homiylik kelishuvlari orqali 800 million yevro mablag‘ kiritganlikda va 113 ta qoidabuzarlik sodir etganlikda ayblanmoqda.
"Menimcha, futbolchilarni ayblash noto‘g‘ri. Ular bu vaziyatga aloqador emas. Javobgarlik qaror qabul qiluvchi yuqori lavozimdagi shaxslar zimmasida bo‘lishi kerak.
Ammo o‘sha davrda qo‘lga kiritilgan ayrim sovrinlar yoniga shubhali holatlarni anglatuvchi yulduzcha qo‘yilsa, men bunday titullarni hisobga olmagan bo‘lardim", — dedi Ferdinand.
Eslatib o‘tamiz, angliyalik sobiq futbolchi 2002–2014 yillarda "Manchester Yunayted" sharafini himoya qilgan.
