"Манчестер Юнайтед"нинг собиқ ҳимоячиси Рио Фердинанд "Манчестер Сити"га нисбатан молиявий қоидабузарликлар бўйича қўйилган айбловларга муносабат билдирди.
"Шаҳарликлар" 2009–2018 йилларда сохта ҳомийлик келишувлари орқали 800 миллион евро маблағ киритганликда ва 113 та қоидабузарлик содир этганликда айбланмоқда.
"Менимча, футболчиларни айблаш нотўғри. Улар бу вазиятга алоқадор эмас. Жавобгарлик қарор қабул қилувчи юқори лавозимдаги шахслар зиммасида бўлиши керак.
Аммо ўша даврда қўлга киритилган айрим совринлар ёнига шубҳали ҳолатларни англатувчи юлдузча қўйилса, мен бундай титулларни ҳисобга олмаган бўлардим", — деди Фердинанд.
Эслатиб ўтамиз, англиялик собиқ футболчи 2002–2014 йилларда "Манчестер Юнайтед" шарафини ҳимоя қилган.
