"Liverpul" bosh murabbiyi Andoni Iraola hakam Endi Medli va uning yordamchilari "Arsenal" darvozasi tomon penalti belgilamaslik haqida qabul qilgan qarorga qo‘shilmadi. APL 9-turidagi uchrashuv "kanonirlar"ning 1:0 hisobidagi g‘alabasi bilan yakunlandi.
"Menimcha, Aleksandr Isak bilan bog‘liq vaziyatda penalti belgilash kerak edi. Uning futbolkasidan tortishganini hamma ko‘rdi. Buni tushunmayapman. Menimcha, gap uning yiqilmaganida. Eng yomoni, biz o‘z futbolchilarimizni yiqilishga o‘rgatishimizga to‘g‘ri kelyapti. Vaziyat mutlaqo aniq edi va bizda ajoyib imkoniyat bor edi", — deya Iraolaning so‘zlarini keltiradi BBC.
"Arsenal" futbolchisining ehtimoliy chetlatilishi haqida:
"Men faqat bitta takroriy lavhani ko‘rdim. Menimcha, qizil kartochka ko‘rsatish uchun qoidabuzarlik yanada yaqqol bo‘lishi kerak. Bu qizil kartochka ko‘rsatilishi lozim bo‘lgan vaziyatga o‘xshamadi".
"Liverpul" 15 ochko bilan turnir jadvalida beshinchi o‘rinda bormoqda.
