«Andorra» darvozaboni Xesus Ovono «Tenerife» futbolçisi Xesus de Migelning ölimi bilan yakunlangan fojiali voqeani oğir qabul qilmoqda.
Segundaning 12-turidagi uçraşuvda Ovono qöşib berilgan vaqtning 7-daqiqasida maydon markazida de Migel bilan töqnaşib, qizil kartoçka olgan edi. Huşini yöqotgan futbolçi tez yordam maşinasida şifoxonaga yetkazilgan, biroq 3 noyabr tongida vafot etgan.
AS naşrining xabar berişiça, Ovono öyindan keyin kiyiniş xonasida yiğlab, duo qilgan.
«U ğamxör va juda mehribon inson. Unda heç qanday yovuzlik yöq», — deyişgan darvozabonning yaqinlari. Ular Ovono raqibiga qasddan zarar yetkazişni istamaganini ta’kidlaşgan.
Fojiadan keyin Ekvatorial Gvineya vakili ijtimoiy tarmoqlarda köplab haqoratlarga uçragan va sahifalarini yopişga majbur bölgan.
Ma’lum bölişiça, de Migelning vafoti haqidagi xabar tarqalişidan avval Ovono futbolçi va uning oilasi bilan boğlanib, keçirim söraş hamda yordam taklif qilişni rejalaştirgan.
