Шуҳрат Мақсудов жамоасининг Уммондаги илк рақиби Хитой терма жамоаси бўлади. Ушбу ўйин бугун Тошкент вақти билан соат 18:00да бошланиши белгиланган. Ўйин "Спорт" телеканали орқали жонли эфирда намойиш этилади.
Эътиборли томони, мусобақанинг иккинчи кунги ўйинлари ҳақида қисқача превью тақдим этган Oman Daily нашри Ўзбекистон ҳақида тўхталиб, жумладан шундай ёзади:
"Ўзбекистон терма жамоаси Султонликка етиб келишидан аввал БААда йиғин ўтказди. Бош мураббий Шуҳрат Мақсудов таркибга Ўзбекистон чемпионатининг энг яхши ўйинчиларини киритган.
Ушбу жамоа аввалроқ Теҳронда ёшлар ўртасидаги Осиё чемпионатида қайд этилган натижани такрорламоқчи. Ўшанда финал баҳсида Японияга тўқнаш келган ўзбеклар асосий вақтда 1:1 ҳисобида дуранг қайд этишган ва пенальтилар сериясида 3:0 ҳисобида ғалага эришгандилар. Ўзбекистоннинг 22 ёшгача бўлган ёшлари учун бу муваффақият улкан мотивация вазифасини ўтайди".
