Голландия терма жамоаси ҳужумчиси Робин ван перси ЖЧ-2014 гуруҳ босқичида Австралия терма жамоаси устидан қозонилган ғалаба ҳақида фикр билдирди.
"Биз биринчи бўлимни жуда ёмон ўтказдик. Австралияликлар бир сонияга ҳам тиним билмадилар. Рақиб жуда яхши ўйнади.
Жаҳон чемпионатида бир текис ўйин кўрсатишнинг иложи йўқ. Аммо бундай ўйнларда ғалаба қозониш керак. Иккинчи бўлимда ўзимиз ўрганган 4-3-3 схемасида ўйнадик.
Мен ғалабамиздан жуда хурсандман, чунки Чилига қарши ўйинда майдонга туша олмайман. Афсуски, шундай бўлиб қолди.
Ҳозир эса, бу ғалабадан баҳра олиб турайлик. Голландия кейинги босқичга чиқди, буни биздан ҳеч ким кутмаган эди", - дея Ван Персининг сўзларини келтиради Goal.com.
