ЖЧ-2014 1/8 финалида Уругвай термасига қарши учрашувда (2:0) "дубль"га эришган Колумбия терма жамоаси яримҳимочиси Хамес Родригес фикрлари билан ўртоқлашди.
"Ғалабамиздан жуда хурсандман. Биз тарихга кирдик, аввал бизнинг жамоамиз жаҳон чемпионати чорак финалига йўл олмаган. Орзулар ушалмоқда, аммо биз кўпроғини истамоқдамиз. Бу жамоа ғалаба қозонишни истайди.
Чорак финалда Бразилия билан ўйнаймиз. БУ жамоа тарифга муҳтож эмасЮ аммо ҳеч қандай босим ва қўрқувни ҳис қилаётганим йўқ. Улар биздан қўрқишсин, бизнинг йўқотадиган нарсамиз йўқ.
Қизиқ ўйин бўлишига ишонаман. Ҳужум қилишни биладиган икки жамоа ўйнайди", - дейди Родригес.
