"Монако" яримҳимоячиси Хамес Родригес Испанияда тўп суришни истаётганини яна бир бор таъкидлади.
Футболчига "Қироллик клуби" қизиқмоқда, Родригеснинг ўзи ҳам "Реал" мухлиси бўлиб келганини айтмоқда.
"Аввал ҳам Испания чемпионатида ўйнашни хоҳлашимни айтган эдим. У ерда футболчиларнинг юқори техникаси ва тўп билан тез-тез муомаласига дуч келасиз. Бу айнан менинг усулим.
Англия футболида эса атлетик кураш кўп. Нима бўлганда ҳам мен ҳозир "Монако" футболчисиман ва бошқа нарса ҳақида ўйлаётганим йўқ", - дея футболчининг сўзларини келтиради Marca.
