Аргентина терма жамоасининг собиқ яримҳимоячиси Хуан Роман Рикельме барча даврларнинг энг яхши футболчиси ким эканлигини билади.
"Марадона - дунё футболи тарихидаги энг буюк ўйинчи. Мен у билан "Бока Хуниорс"да бирга ўйнаш бахтига сазовор бўлганман ва машғулотларда бирга шуғулланганман. Бу ўзгача нарса эди.
Месси ва Роналду эса гол уриш бўйича мусобақалашмоқда. Аммо Лео майдонда шундай ишларни бажарадики, ўйиндан сўнг унинг ўзи буни қандай бажарганига қойил қолса керак", - дейди Рикельме.
Рикельме "Бока Хуниор", "Архентинос Хуниорс", "Вильярреал" ва "Барселона" клублари шарафини ҳимоя қилган.
