Кириш Регистрация

Блог

Жасур Раҳимов

А серия сарҳадлари

Италия чемпионати 4 турининг эътиборга молик жихатлари.

Баҳо:
+0; -0

Италия чемпионати 4 турининг эътиборга молик жихатлари.

 

Рим дербиси, “Интер” жамоасининг рекорд голлари, Марио Балотеллининг пенальтидан фойдалана олмаганлиги ва Фернандо Льоренте биринчи голи.

 

 

Рим дербиси ва Федерико Бальдзареттининг кўз ёшлари

 

Рим дербиси ўта муросасиз ва курашларга бой бўлди. “Рома” хозиргача йўқотишсиз бормоқда. Ғалаба келтирувчи  тўпни  Федерико Бальдзаретти киритди, бу гол шуниси билан ахамиятлики, бу унинг клуб учун биринчи голи хисобланади.

Футболчи хурсандчилигидан кўз ёшларини яшира олмади.

 

 

Марио Балотеллининг пенальтидан фойдалана олмаганлиги

 

СуперМарио фаолияти мобайнида биринчи бор пенальтидан фойдалана олмади. 21 бор пенальтидан аниқ фойдаланган футболчи 22 зарбани ноаниқ амалга оширди. Бунгача омад доимо супермарио томонида бўлган.  

Тўғри ўйин сўнгида гол киритиб орадаги фарқни қисқартирган бўлсада жамоаси мағлубиятдан қутилиб қола олмади. Ўйин якунлангандан сўнг эса, қизил карточка олишга хам улгирди. Ха бу Балотелли деганлари ўзгача инсонлигича қолса керак.

 

“Интер” жамоасининг рекорд голлари

 

 «Сассуоло» жамоаси дарвозасига жавобсиз еттита тўп киритиб  «Интер» жамоаси А серияда сафарда гол киритиш бўйича рекорд ўрнатди. Мезбонлар мехмонларга хеч қандай қаршилик кўрсата олмадилар.

Бу ўйинда узоқ жарохатдан сўнг сафга қайтган Диего Милитони алохида кўрсатиб ўтиш лозим. Футболчи 54 дақиқада захирадан тушиб 2 та тўп киритишга улгурди.

 

 

Фернандо Льоренте биринчи голи.

 

 

Дастлабки 3 турни захирадан хаяжон билан кузатган испаниялик хужумчи нихоят 4 турга келиб гол уришга муофақ бўлди.

4 турга келиб асосий таркибда майдонга тушган хужумчи устозини уялтириб қўймади.

Ушбу мавсумда европада хаммадан кўп зарба йўллаётган “Ювентус ” жамоаси ўйинда 2 та гол билан чекланди.

 

 

Бу ўйиннинг яна бир ахамиятли томони шундаки Ювенинг ишонган дарвозабони Буффон ўрнига унинг ўринбосари Марко Сторари ўйнагани бўлди. Ушбу дарвозабон тажрибали шеригини йўқлигини билдирмасликка харакат қилган бўлсада, баъзи вазиятларда хаяжонланганлиги кўриниб турди.

 

Микаэля Агаццининг изтироблари

 

 «Кальяри» жамоаси «Сампдория»ни ютиши шарт эди, лекин «Кальяри» дарвозабони  Микаэль Агацци 2 марта ўта қўпол хатолари эвазига рақиб жамоа сафардан камида 1 очко билан қайтишини таъминлади.

 

Энг тезкор гол.

 

«Кьево» - «Удинезе» жамоалари ўртасидаги учрашувнинг 15 сониясидаёқ мехмонлар тезкор гол киритишган бўлсаларда, бу гол уларни  мағлубиятдан қутқариб қола олмади. Бу «Кьево» жамоасининг мавсумдаги биринчи ғалабаси хисобланади.

 

 

 

Р/S :  Маълум бир техник сабабларга кўра бир неча хафта блогга янгиликлар кирита оладим. Бундан буён тез тез янгилик билан чиқиш қилиб туришга харакат қиламан.

 

 

Киритилган сана: 24.09.2013 20:08. Ўкилди: 23450 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.


счётчик