«Атлетико» бош мураббийи Диего Симеоне Чемпионлар лигасида «Бавария»га қарши ўйин олдидан Гарри Кейннинг маҳоратига юқори баҳо берди.
«Уни муносиб қўлга киритган «Олтин тўп» соврини билан табриклайман. Кейн ажойиб футболчи, у менга доим ёққан. У анча ўсди, тажриба орттирди ва дарвозадан узоқлашмаган ҳолда майдонда тўғри позиция танлашни ўрганди.
У жамоага ёрдам беришга, зарур пайтда ҳимоядан ҳужумга чиқишда қатнашишга тайёр. Кейн — туғма тўпурар. У футболни янада гўзал қилади ва меҳнат орқали юксак марраларга эришиш мумкинлигини ёшларга кўрсатмоқда», — дея Симеоненинг сўзларини келтиради AS.
Эслатиб ўтамиз, Гарри Кейн «Олтин тўп» учун овоз беришда Килиан Мбаппени 28 очкога ортда қолдирган.
«Атлетико» — «Бавария» учрашуви 4 ноябрга ўтар кечаси Тошкент вақти билан 01:00 да бошланади.
