Элит ОЧЛ. Ўзбекистон клубларининг кейинги босқичга чиқиш имкониятлари қандай?

ОФК Элит Чемпионлар лигасининг Ғарбий минтақасида умумий босқич 4-тур учрашувларидан кейинги турнир жадвали шаклланди.

Бирлашган Араб Амирликларининг "Ал-Айн" клуби тўртта учрашувда максимал 12 очко жамғариб, мусобақа пешқадами бўлиб турибди.

Кейинги учта ўринни 9 очкодан тўплаган "Ал-Ҳилол", "Истиқлол" ва "Шабаб Ал-Аҳли" жамоалари эгаллаган. "Ал-Қодисия" ва "Ал-Аҳли" ҳисобида эса 8 очкодан бор.

Ўзбекистоннинг икки вакили ҳозирча кучли саккизликдан ташқарида қолмоқда. Фарғонанинг "Нефтчи" клуби тўртта ўйинда 4 очко жамғариб, 9-ўринни эгаллаган. Жамоанинг тўплар нисбати -2 ни ташкил этмоқда.

Тошкентнинг "Пахтакор" клуби эса тўртта учрашувда 2 очко тўплаб, 14-поғонада бормоқда. Пойтахтликларнинг тўплар нисбати -5 га тенг.

Элит ОЧЛ. Ғарбий минтақа. 4-турдан кейинги турнир жадвали:

1. "Ал-Айн" — 12 очко

2. "Ал-Ҳилол" — 9 очко

3. "Истиқлол" — 9 очко

4. "Шабаб Ал-Аҳли" — 9 очко

5. "Ал-Қодисия" — 8 очко

6. "Ал-Аҳли" — 8 очко

7. "Ан-Наср" — 6 очко (3 ўйин)

8. "Аш-Шамал" — 5 очко

9. "Нефтчи" — 4 очко

10. "Ал-Иттиҳод" — 4 очко

11. "Ал-Васл" — 3 очко (3 ўйин)

12. "Эйр Форс" — 3 очко

13. "Трактор" — 2 очко

14. "Пахтакор" — 2 очко

15. "Ас-Садд" — 2 очко

16. "Ал-Ғарафа" — 0 очко

Қайд этиш жоиз, "Ан-Наср" ва "Ал-Васл" ҳозирча учтадан, қолган жамоалар эса тўрттадан учрашув ўтказган.

Ғарбий минтақада умумий босқич якунларига кўра дастлабки саккизта ўринни эгаллаган клублар кейинги босқичга йўл олади.