"Эвертон" ҳужумчиси Ромелу Лукаку жамоанинг февраль ойидаги энг яхши футболчиси деб топилди, дея хабар беради клуб расмий сайти.
Бельгиялик футболчи, ўтган ойда Англия чемпионатида битта ҳам гол ура олмади, аммо Европа лигасининг 1/16 финалида "Янг Бойз" клубига қарши учрашувларда ўзини кўрсатди, у сафар учрашувида "хет-трик" қилган бўлса, уйдаги жавоб учрашувида "дубль"га эришган.
Лукаку ушбу мавсум "Эвертон"нинг 39 учрашувида қатнашиб, 17 гол урган.