"Ал-Ҳилол"нинг француз ҳужумчиси Карим Бензема яқинда бўлиб ўтган ўйиннинг танаффус пайтида мураббий билан айтишиб қолди. Бу ҳақда "Ball Zone" нашри хабар бермоқда.
Манбанинг маълумотларига кўра, Бенземанинг келиши "Ал-Ҳилол" кийиниш хонасида кескинликни келтириб чиқарган. Мавжуд маълумотларга кўра, айрим футболчилар клубнинг француз билан шартнома имзолаш қароридан аллақачон афсусланишмоқда.
Эслатиб ўтамиз, 38 ёшли Бензема қишки трансфер ойнасида "Ал-Иттиҳод"дан "Ал-Ҳилол"га ўтиб, бир ярим мавсумга мўлжалланган меҳнат шартномасини имзолаган эди. Янги жамоа таркибида ҳужумчи учта ўйинда иштирок этиб, учта гол урди ва битта голли узатмани амалга оширди.
"Ал-Ҳилол" "Ал-Иттиҳод"га қарши кечган сўнгги учрашувда ғалаба қозона олмади (1:1) ва Про-лига турнир жадвалида иккинчи ўринга тушиб кетди.
