УЕФА президенти Мишель Платини футбол стадионларида безорилик авж олаётганидан хавотирда. Унинг фикрига кўра, миллатчилик ва экстремизм ўсиб бормоқда.
– Илгари безорилар ва турли кўринишдаги фанатлар футбол стадионлари эгалари эди, – деб BBCга таяниб “СЭ” Платинининг сўзларидан келтирмоқда. – Сўнгги ойлар менга тарихни эслатиб юборди. Уларнинг баъзиларини биз ўзимизда ҳис этиб кўрганмиз. Ҳеч ким бу ишлар такрорланишини истамайди. Биз Европа даражасида янада кучлироқ тақиқларни қўллашимиз керак. Буни яна такрорлайман – Европа спорт полициясини ташкил қилиш лозим. Мен 2007 йилда биринчи марта сайланганимда, бу ишга чақиргандим.
