"Ювентус" клуби ва Италия терма жамоасининг собиқ устози Марчелло Липпи "Юве" бош мураббийи Массимилиано Аллегри билан ўзининг ўхшаш томонлари кўплиги ҳақида фикр билдирди.
Эслатиб ўтамиз, Липпи "Ювентус"ни 1994-99 ва 2001-04 йилларда бошқарган ва беш марта Италия чемпионлигини қўлга киритган.
"Мен Аллегрида ўзимни кўряпман. У "Ювентус"га тахминан менинг ёшимда келди ва мен қилган ўзгартиришларни амалга оширди. У худди мен каби замонавий жамоа тузишга уринмоқда. Биз жуда ўхшашмиз. У жуда ақлли.
У шундоқ ҳам ўз ўйинига эга жамоа ўйинига ўзгартириш киритишга чўчимади. Ҳозир бу мутлақо унинг жамоаси", - дейди Липпи.