Ўзбекистон Регби федерацияси JICA билан ҳамкорлик доирасида регби бўйича япониялик мураббий – Хакуба Юни етти ой муддатга Ўзбекистонда ишлаш учун жалб этди. Бу ҳақда 12news.uz хабар бермоқда.
World Rugby’нинг иккинчи даража мураббийи лицензиясига эга 32 ёшли Хакуба Ю Япония, Янги Зеландия, Шри-Ланка каби мамлакатларда болалар, ўсмирлар ва аёллар регби жамоалари билан ишлаган.
У Ўзбекистонда Get Into Rugby халқаро дастури доирасида Ўзбекистон вилоятларида регби бўйича маслаҳатлар бериш ва ўзбекистонлик мураббийларга регби бўйича маҳорат дарслари ўттиш билан шуғулланади.
JICA лойиҳалари мувофиқлаштирувчиси Одилхон Ҳасановнинг сўзларига кўра, Ўзбекистонда иш олиб бориши учун Япониядан яна бир неча регби бўйича кўнгилли-мураббийларни жалб этиш режалаштирилган.
