ФИФА терма жамоаларнинг янги рейтингини эълон қилди. Унга кўра Ўзбекистон миллий жамоаси март ойи жадвалига нисбатан 1 поғона пастлади ва 73-ўринга жойлашди.
Терма жамоамиз Жанубий Корея билан ўртоқлик ўйиндаги дуранг ва Япония билан ўйиндаги мағлубият туфайли рейтингда 7 балл йўқотди. Ўзбекистон Осиёда 6-жамоа бўлиб турибди. Эрон 2 поғона кўтарилиб, 40-ўринни эгаллаб турибди. Япония эса 3та қатор "сакраб", топ-50нинг сўнгги ўрнига жойлашди. Жанубий Корея 57 (-1), Австралия 63 (+2), БАА 68 (+1)-ўринларда эгаллаб туришибди.
ФИФА рейтингини Германия бошқаришда давом этмоқда. Немислар янги рейтингда 83 балл йўқотишди. Аргентина ҳам 87 балл йўқотишга учради, аммо 2-ўриндан пастга тушмади. Бельгия эса бир поғона кўтарилди ва кучли учликка кирди. Колумбия 4-ўринга тушган бўлса, Бразилия 5-поғонага кўтарилди. Кейинги ўринларни Голландия, Португалия, Уругвай, Швейцария ва Испания терма жамоалари банд этиб туришибди.
Янги рейтингнинг тўлиқ кўриниши билан ФИФА расмий сайтида танишиб олишингиз мумкин.
