"Ливерпуль" ҳужумчиси Дэниэл Старриж жароҳатидан сўнг майдонга қайтгани хусусида фикр билдирди.
"Жамоага ҳаётига қайтганимдан, бир ритмга тушиб олганимдан мамнунман. Бунга кўп вақт кетмайди. Ўйинлар ўтаверса, мен тайёр бўламан. Мавсумни юқори нотада тугатишни истайман, келгуси мавсумда нималарга қодирлигимни кўрасиз.
Узоқ муддатга сафдан чиққанимдан сўнг, мавсумни янгидан бошлаётгандайман. Ҳозир жамоамга қандайдир соврин ютишда ёрдам бермоқчиман. Келгуси мавсумда менинг ҳақиқий ҳолатимни кўрасизлар. Аввалги даражамга қайтаман", - дейди Старриж.
