Франция терма жамоасининг собиқ ҳужумчиси Кристоф Дюгарри «Ренн»дан «Ливерпуль»га ўтган 20 ёшли марказий ҳимоячи Жереми Жаке трансферига муносабат билдирди.

Трансфер суммаси 60 миллион евро ва қўшимча 12 миллион евро бонуслардан иборат.

«Жакени хафа қилмоқчи эмасман. У айбдор эмас, унга омад тилаймиз, чунки у яхши футболчи. Лекин бундай аҳмоқона трансфер… «Ренн»га офарин.

«Ренн» 72 миллион евро беришга тайёр бўлган «Ливерпуль»дек аҳмоқни топа олди.

Инглиз клублари трансферларга ўнлаб миллионларни сарфлайверсин. Футбол ақлдан озяпти. Бунга қандайдир оқлов бордек кўрсатишни тўхтатайлик. Буни ҳеч қандай тарзда оқлаб бўлмайди», — деди Дюгарри.