Бразилия терма жамоаси собиқ футболчиси ва Жаҳон чемпионатининг уч карра ғолиби - Пеле яна бир марта “Реал” форварди Криштиану Роналду ҳамда “Барселона” ҳужумчиси Лионель Месси борасида берилган саволга жавоб қайтарди.
Пеле аргентиналик футболчи ва португалиялик ярим ҳимоячининг ўйинларини ўзаро таққослаб бўлмаслигига алоҳида урғу берди.
“Уларнинг иккисидан бирининг ўйини менга жуда ёқади демаган бўлардим. Одамлар менга бу борада савол билан мурожаат қилишса уларни таққосламаган маъқул деб жавоб қайтараман. Криштиану – ажойиб футболчи ва асосий иши ҳужумларни гол билан якнулаш бўлган тўпурар. Месси ҳам кўп голлар уради ва шу билан бирга жамоанинг ўйинини ташкил эхтиб бериши ҳам мумкин. Менинг жамоамда уларнинг иккаласи ҳам бўлишини истардим, лекин борди-ю иккисидан бирини танлашимга тўғри келса Мессида тўхтайман”, — дейди Пеле.
