Ўйиндан сўнг матбуот анжуманининг биринчи қисмида “Локомотив” жамоаси бош мураббийи Вадим Абрамов иштирок этди ва ўйин ҳақида ўз фикрлари билан ўртоқлашди.

— Бугун кучлари тенг икки жамоа курашди ва ўйин тақдирини ягона гол ҳал қилди.

– Бугунги мағлубиятни қандай изоҳлайсиз?
– “Насаф” чемпионатимизда кучли жамоа ҳисобланади ва бугун улар ҳақли ғалаба қозонишди.

– “Локомотив” ОЧЛ ўйинида бир марта катта ҳисобда ютқазди ва жавоб ўйинида уларни йирик ҳисобда мағлубиятга учратдиларингиз. Бунинг сабаби нима?
– Бизга жуда тажрибали жамоалар тўғри келди, ўша жавоб учрашувда йигитлар ҳаракат қилишди ва омад ҳам биз томонда бўлди, шунинг эвазига ғалаба қозондик.

– Бу йилги чемпионатда “Насаф”нинг чемпионлик учун курашдаги имконларини қандай ҳисоблайсиз?
– “Насаф” бекорга ОФК кубогини ютгани йўқ, яна қўшимча уларни жадвалдаги эгаллаган ўрни ҳам айтиб турибди, жамоа кўп йиллардан буён деярли ўзгармасдан фаолият юритмоқда, ўйлайманки “Насаф”ни чемпион бўлишга ҳақли жамоа деб, ҳисоблайман.