Ҳамюртларимиз Фарҳод Тожиев ҳамда Садриддин Абдуллаевлар Малайзия премьер лигаси иштирокчиси “Т-Тим” клубида тўп суришаётгани ҳақида хабар берган эдик.
Малайзияда нуфуз жиҳатидан иккинчи ўринда турадиган мазкур лигада биринчи давра якунланди. Ҳозирча ҳамюртларимиз шарафини ҳимоя қилаётган жамоа тунир жадвалида биринчи поғонани банд этиб турибди ва келаси мавсумдан супер лигага қайтиб чиқишга асосий даъвогар эканини кўрсатмоқда.
Диққатга сазовор жиҳати шундан иборатки, жамаонинг биринчи даврадан сўнг асосий тўпурари Фарҳод Тожиев бўлиб турибди. Фарҳод 10 та учрашувда 9 бор рақиблар дарвозасини ишғол қилишга муваффақ бўлган. Садриддин Абдуллаев ҳам гол киритиш борасида ўзини кўрсатмоқда. Садриддиннинг ҳисобида лигада киритилган 5 та гол мавжуд.
Кўрамиз, футболчиларимиз иккинчи даварада нечтадан тўп киритишар экан…
