Мосванинг «Локомотив» клуби ҳимоячиси Виталий Денисов Россия чемпионатининг 28-тури доирасида «Рубин»га қарши бўлиб ўтган ўйиндан кейин (3:0) ўз фикрларини билдириб ўтди.

— Магомед Оздоев автогол муаллифига айланиб, ўзи истамаган ҳолда «Локомотив»га ёрдам бериб юборди. Бу мавзуда у билан гаплашмадингизми?
— Тўғрисини айтсам, ушбу вазиятда ўйинчилар менинг олдимни тўсиб туришганди, шу боис тўп кимга тегиб дарвозага кирганини кўрмай қолдим.

— Буссуфа иккинчи голни энг чиройлиси деб атади. Сизга ҳам ёқдими?
— Ҳа, яхши гол.

— Ушбу ғалаба «Локомотив»даги вазиятни ўнглайдими?
— Янги ҳиссиётлар бағишлаши аниқ.

— Жамоада мураббий ўзгарди ва клуб дарҳол йирик ҳисобдаги ғалабани қўлга киритди. Тасодифми?
— Бундай ҳолат кўп бўлади. Мураббийнинг жамоадан кетиши бир томондан йўқотиш, иккинчи томондан жамоани олдинга бошлайди, қандайдир янги ҳиссиётлар беради. Божовичнинг кетишини кутяпмизми? Бирор нарса дейиш қийин, бундай қарорни футболчилар қабул қилишмайди.