"Тоттенҳэм" ҳужумчиси Эммануэль Адебайор оила аъзолари билан келиша олмагани сабабли ўзини ўлдириш пайида бўлганини маълум қилди.
Бу мавсумда деярли майдонга тушмаган футболчининг айтишича, унинг укалари Питер ва Кола бир марта унинг томоғига пичоқ тираганлар.
"Мен кўп марта таслим бўлгим келди. Синглим Иябодан сўранг, мен унга бир неча марта қўнғироқ қилиб, ўзимни ўлдиргим келаётганини айтганман. Бу воқеани узоқ йиллар сир тутдим. Аммо агар ўлиб кетадиган бўлсам, ҳеч ким асл сабабини билмас эди ва ҳеч ким бундан сабоқ чиқармас эди. Кимлардир бу ҳақда гапирмаслигимни айтмоқда, кимдир ўзини қурбон қилиши керак, кимдир бу ҳақда гапириши керак", - деб ёзади тоголик футболчи Facebook'даги саҳифасида.
