Испания чемпионатининг сўнгги тур ўйини "Барселона" учун ҳеч нарсани ҳал қилмасди. Улар бу ўйин орқали Хави билан муносиб хайрлашишни мақсад қилишганди. "Депортиво" эса Ла лигада жон сақлаб қолиши учун "Камп Ноу"да очко қўлга киритиши шарт эди.

Ўйиннинг дастлабки бир соати ичида Месси иккита гол урганидан кейин ла-коруньяликлар юқори дивизион билан хайрлашиши аниқ бўлиб қолганди. Лекин меҳмонлар ўзларида куч топа олишди ва иккита ҳужум ташкил қилиб, "Барселона" дарвозасига 2та гол уришга муваффақ бўлишди.

Шундан кейин ўйинни Энрике шогирдлари назорат қилган бўлсаларда, "Депортиво" яхши ҳимояланди. "Барса" ҳам ўзини ва рақибни кўп қийнаб ўтиргани йўқ.

Ўйиндан кейин майдонда байрам бошланди. "Депортиво" Ла лигадан тушиб кетмагинини байрам қилган бўлса, "Барселона"га чемпонлик кубоги топширилди. Уни Хави қабул қилиб олди. Шу тариқа, Хави "Барса" сафидаги сўнгги учрашувини ўтказди ва 17 йиллик фаолиятдан кейин жамоа билан хайрлашди.

Барчаси учун раҳмат сенга, Хави!

Ла лига, 38-тур
Барселона – Депортиво 2:2 (1:0, 1:2)
Голлар: 1:0 – 5 Месси, 2:0 – 59 Месси, 2:1 – 67 Перес, 2:2 – 76 Саломау.
Барселона – Масип, Адриано, Бартра (Маскерано, 70), Вермален (Дуглас Перейра, 63), Матье, Рафинья, Роберто, Хави (Иньеста, 86), Месси, Педро, Неймар.
Депортиво – Фабрисио, Лауре, Лопо, Сидней, Канелья (Медуньянин, 39), Борхес, Бергантиньос, Саломау, Домингес (Риера, 62), Кавалейру, Перес (Родригес, 86).
Огоҳлантиришлар: Домингес (58), Матье (75), Бергантиньос (90), Медуньянин (90).