Мадриднинг «Атлетико» клуби ҳужумчиси Хулиан Альварес фаолиятини давом эттириш учун ўзига маъқул бўлган вариантни танлади. Журналист Маттео Мореттонинг хабар беришича, аргентиналик футболчи «матрасчилар» сафини фақат «Барселона»дан таклиф тушган тақдирдагина тарк этишга тайёр.
26 ёшли ҳужумчи Испанияда қолишни истамоқда ва «кўк-анорранглилар» аллақачон ушбу қимматбаҳо трансферни қандай амалга ошириш ҳақида бош қотиришмоқда.
Альвареснинг «Transfermarkt» порталидаги тахминий трансфер баҳоси 90 миллион еврони ташкил этади, унинг амалдаги шартномаси эса 2030 йилгача мўлжалланган. Тарқалган кўплаб миш-мишларга кўра, форвардни ўз сафига қўшиб олишни Лондоннинг «Арсенал» ва Франциянинг «ПСЖ» клублари ҳам хоҳлашмоқда.
