"Хетафе"га қарши "Реал" сафидаги 300-учрашувни ўтказган Криштиану Роналду ушбу баҳсда хет-трик қайд этди ва Қироллик клубида киритган голлари сонини 314тага етказиб олди. Бу ҳақида championat.com сайти хабар бермоқда.
Португалиялик ҳужумчи Примеро доирасида 200та ўйин ўтказиб, 226та гол урган ва бу борада у фақат Раулдан ортда қолмоқда (Испания чемпионатида 228та гол).
Роналду 2014/15 йилги Испания чемпионатида 48та голнинг муаллифи бўлиб, учинчи бор мавсумнинг энг яхши тўпурарига айланди.
Португалиялик футбол юлдузи фаолиятидаги тўртинчи "Олтин бутса"га ишонч билан яқинлашиб бормоқда: унинг ҳисобида 96 очко бор, иккинчи ўриндаги "Барселона" ҳужумчиси Лионель Месси эса айни вақт 86 балл жамғарган.
Криштиану шунингдек, бир мавсум мобайнида тўп киритиш бўйича клуб рекордини ҳам ўрнатди (61).