Аргентиналик машҳур футболчи Диего Марадона ФИФА президенти Йозеф Блаттернинг ўз вазифасига қайта сайланиши борасидафикрларини билдирди.

"Футбол охирги йиллардаяхши томонга ўзгармади. Унинг бош ташкилоти коррупция майдони бўлиб қолди. Блаттер қўл остида ФИФА шармандали ва тушунарсиз ташкилота айланди. Футолга бефарқ бўлмаган одамлар шундай деб ўйлайдилар.

Кўпчилик Блаттерни қамоқдан қутулиб қоладиган эски мафиячига ўхшатиб, ундан ҳайратланадилар. У ирқчиликни йўқ қилиб, аёллар футболини ривожлантириш ҳақида ваъда бермоқда. Менда савол туғиляпти, у ўтган тўрт муддатида нима билан шуғулланди? Жавобини биламан: Атрофини футбол орқали чўнтаги қаппайган муттаҳамлар билан тўлдирди. Агар у виждонли инсон бўлганида, ўз вақтининг яримини ФИФАни текширмоқчи бўлган органларни чалғитишга сарфламас эди.

Нима учун 79 ёшли айёр тулки бешинчи муддатга сайланмочи? Унинг дўстлари ўз кабинетларидаги мебелдан ташқари ҳамма нарсани ўғирладилар, Блаттер эса ҳеч нарсани билмас эмиш. Биз уни "Муқаддас Зепп" деб аташимиз керакми?

Бизга ёш ва замонавий етакчи керак. Бизга мафия эмас, футбол маданияти керак", - дейди Марадона.