"Ювентус" футболчиси Андреа Пирло ўз жамоадоши Поль Погбанинг Европада энг яхши футболчи бўлишига ишонмоқда.
22 ёшли футболчи 2012 йилда эркин агент сифатида "Ювентус"га ўтган эди.
"У шу руҳда давом этса, Европада энг яхши яримҳимоячи бўлади. Ёшини ҳисобга олсак, у узоқ вақт энг яхши бўлиши мумкин. "Манчестер Юнайтед" қандай қилиб уни қўйиб юборганини тушунмайман. Бундай футболчи ҳозир манчестерликларга жуда асқотган бўлар эди. Менимча, Фергюсон билан шахсий қарама-қаршилик бўлган бўлса керак, чунки унинг иқтидорига шубҳа қилиб бўлмайди. Нима бўлганда ҳам, бу "Ювентус" учун жуда яхши бўлган", - дейди Пирло.