“Ювентус” ҳимоячиси Патрис Эвра Чемпионлар лигаси финали олдидан “Барселона”га қарши кечадиган учрашув олдидан Луис Суарес ҳақида ўз фикрини билдириб ўтди.

“Мен Суарес узр сўрашини хоҳламайман. Бу мен учун қизиқ эмас. Ўйин олдидан у билан қўл бериб кўришаман. Суарес ҳеч қачон менинг энг яқин дўстим бўлмайди. Бироқ бу муаммо эмас. Барчаси ўтмишда қолган. Мен ўз танам ранги билан фахрланаман ва “МЮ”да ўйнаётганимдаги каби Суарес билан қўл бериб кўришаман.

Мен “Барселона”га қарши ўйнайман, Суаресга қарши эмас. Бироқ унга ўзимни майдонда эканимни билдириб қўяман.

Мен Суаресни ирқчи демоқчи эмасман. Бироқ ўша вақтда у томонидан менга нисбатан ишлатилган сўзлар орасида ирқчилик сўзлари бор эди”, – дейди Эвра.

Эслатиб ўтамиз, “Ливерпул”да тўп сураётган Луис Суарес Эврани нисбатан ишлатилган ирқчилик қилиб ҳақоратлагани сабабли 8та учрашувдан четлатилган ҳамда 40000 фунт миқдордаги жаримага тортилган эди.