"Ювентус" ушбу ҳафтада ҳужумчи Карлос Тевеснинг вакиллари билан музокара ўтказади, дея хабар беради Sky.
Музокаралар мавзуси 31 ёшли футболчи билан келгусидаги ҳамкорлик бўлади. Футболчи ҳозирда Аргентина терма жамоаси сафида Америка кубоги мусобақасида бўлиб турибди.
Клуб янги мавсумда ҳам футболчини сақлаб қолмоқчи. Тевеснинг ватанига қайтиш эҳтимоли ҳам мавжуд - унга "Бока Хуниорс" қизиқмоқда.
Ўтган мавсумда Тевес "Юве" таркибида 48 учрашув ўтказиб, 29 гол урди ва 8 голли узатма оширди.