Чилида давом этаётган Америка кубоги мусобақасида "А" гуруҳи вакиллари 3-тур ўйинларини ўтказишди. Аввалги 2та ўйинда ютқазган Эквадор, иккита дурангга эга бўлган Мексикани мағлуб этишга муваффақ бўлди — 2:1.

Натижада Мексика гуруҳда 4-ўринни эгаллаб, турнирни тарк этадиган бўлди. Эквадорликлар эса 3-ўринни банд этишди ва "В" ва "С" гуруҳидаги ўйинларни кутишади. Мусобақа регламентига кўра, 3-ўринни эгаллаган жамоалар орасида 2та энг яхши натижага эга бўлгани чорак финал йўлланмасини қўлга киритади. Эквадорнинг имконияти бироз пастроқ. Улар 3 очко ва -2 (4-6) тўплар нисбатига эга.

Мезбон Чили эса Боливия дарвозасига жавобсиз 5та тўп йўллади ва гуруҳ ғолиблигини қўлга киритди. Боливияликлар ҳам 2-ўрин билан чорак финалга чиқишди.

Америка кубоги, "А" гуруҳи, 3-тур

Мексика – Эквадор 1:2 (0:1, 1:1)
Голлар: 0:1 – 26 Боланьос, 0:2 – 57 Валенсия, 1:2 – 64, пенальти Хименес.
Мексика – Корона, Флорес, Валенсуэла, Айяла, Домингес, Веларде (Акино, 46), Медина, Гуэмес (Фабиан, 52), Корона (Эррера, 62), Хименес, Вуосо.
Эквадор – Домингес, Паредес, Мина, Ачильер, Айови, Нобоа, Ластра, Ибарра (Касарес, 78), Боланьос, Монтеро (Мартинес, 90), Валенсия.
Огоҳлантиришлар: Айяла (17), Боланьос (28), Ибарра (52), Фабиан (53), Эррера (86), Ластра (90).

Чили – Боливия 5:0 (2:0, 3:0)
Голлар: 1:0 – 3 Арангис, 2:0 – 37 Санчес, 3:0 – 66 Арангис, 4:0 – 79 Медель, 5:0 – 86, автогол Ральдес.
Чили – Браво, Исла, Видаль (Фернандес, 46), Хара (Писарро, 70), Арангис, Диас, Вальдивия, Медель, Варгас, Санчес (Энрикес, 46), Босежур.
Боливия – Киньонес, Ральдес, Моралес, Родригес (Бехарано, 46), Коимбра, Чумасеро, Смедберг-Даленсе, Эскобар (Лисио, 61), Вейсага (Миранда, 46), Педриэль, Морено.
Огоҳлантиришлар: Моралес (41), Коимбра (63), Чумасеро (72).