АҚШ терма жамоаси ва "Сиэтл Саундерс" клуби ҳужумчиси Клинт Демпси 16 июнь кунги "Портленд Тимберс”га қарши АҚШ Кубоги ўйинидаги номақбул ҳатти-ҳаракати учун 6та ўйинга четлатилди. Демси шунингдек муайян миқдорди жарима ҳам тўлайди. У мазкур қарор бўйича апелляция бериш ҳуқуқига эга, деб хабар беради euro-football.ru.
Эслатиб ўтамиз, Кубокнинг амалдаги ғолиби "Портленд" билан ўйинда ҳисоб 1:2 эканида бош ҳакам Демсининг жамоадошига тўғридан-тўғри қизил карточка кўрсатади. Бундан ғазабланган Демпси ҳакамнинг қўлидан ручка ва ён дафтарчасини тортиб олади ва бунинг учун сариқ билан “сийланади”. Кейин эса футболчи ҳакамнинг кўз ўнгида унинг ён дафтарчани йиртиб ташлайди ва иккинчи сариқ карточкани олиб, майдондан четлатилади.
Ўша учрашув "Сиэтл"нинг 1:3 ҳисобидаги мағлубияти билан якунланганди.
