Чили терма жамоаси бош мураббийи Хорхе Сампаоли Америка кубоги финал учрашувидан кейин ўз фикрлари билан ўртоқлашди.

«Санчеснинг пенальтиси бизга жуда катта қувонч ҳадя этди. Ўйинчилар ушбу турнирда ақлбовар қилмас ишни амалга оширишди. Ўйин борасида биз бирорта рақибга ютқазмадик. Шогирдларим билан бирга ушбу лаҳзалардан мароқланишни ва ўйинчиларни миннатдорчилик билдиришни истайман.

Ҳужум борасида биз Аргентинани ортда қолдирдик. Шундай кучли рақибга қарши ўйинда тўпни назорат қилдик ва устунликка эришдик. Чили терма жамоаси яхши ўйин ўтказди. Биз асосий вақтда ҳам ютишимиз мумкин эди. Ўйинчилар олдида шляпамни ечаман. Пенальтилар серияси натижаси адолатли бўлди, боиси, бу ўйинда рақибга нисбатан кўпроқ нарса кўрсата олдик.

Мессини тўхтатишни қандай қилиб уддаладик? Ғоя шундан иборат эдики, рақибга ўйинни назорат қилиш имкониятини бермасдан, уни ўз қўлимизга олишимиз керак эди. Акс ҳолда Месси нима учун дунёнинг энг ўйинчиси эканлигини исботларди.

Чили терма жамоасида қоламанми? Ҳозирча чемпионликни тантана қиламиз. Келажак ҳақида кейинчалик бош қотираман», – дейди Сампаоли.