МЛС чемпионати “Лос-Анжелес Гэлакси” клубининг ўз уй стадионидаги “Сан-Хосе Эртквейкс”га қарши учрашувида мезбонлар 5:2 ҳисобидаги иродали ғалабага эришишди, деб хабар бермоқда Championat.com.
Биринчи тайм ўрталаригача меҳмонлар Квинси Амариква киритган дубл эвазига ҳисобда олдинда боришди, аммо Робби Кин пенальтидан киритган тўп ва Стиви Жининг голи сабаб танаффусга жамоалар 2:2 ҳисоби билан чиқиб кетишди.
Иккинчи бўлимда Робби Кин яна иккита тўп киритди учрашувдаги якуний ҳисобни эса Себастьян Ллетгет ўрнатди.
Ортда қолган 22 турдан кейин “Лос-Анжелес Гэлакси” Шимолий конференцияда 34 очко билан етакчилик қилмоқда. “Сан-Хосе” эса 19 ўйиндан кейин 25 очко билан еттинчи ўринда.