Португалиялик афсона Луиш Фигу ўз вақтида "Барселона"дан "Реал"га ўтиши билан боғлиқ машҳур ва шов-шувли воқеаларни ёдга олди. "Камп Ноу"да собиқ мухлислари томонидан "сотқин" сифатида кутиб олинган футболчи ўша кунлардаги босим ҳақида гапириб берди.
"Ўйинни тўхтатишга тўғри келган, майдонга ҳар хил буюмлар улоқтиришганди... Бу энди тарих. Аммо буларнинг барчаси Барселона матбуоти томонидан қўзғатилган эди. "Барселона"дан "Реал"га ўтганимда, содир бўлаётган воқеалардан ҳайратда қолгандим. Қор уюми тобора катталашиб борарди, лекин ортга йўл йўқ эди. Мен интервьюларимнинг бирида "ҳеч қачон "Реал"га ўтмайман" деб хато қилганман", — деди Фигу "The Obi One" подкастида.
Айни дамда "Реал" Ла Лигада пешқадамлик қилмоқда. "Барселона" эса улардан икки очко ортда қолган ҳолда иккинчи ўринда бормоқда.
